မေတ္တာရပ်ဝန်း မီးဖိုဆောင်
|
||
| ငါးဖယ်ဆုပ် ကြော်ချက် |
 |
| ကြက်သွန်နီငါးဖယ်ငါးပေါင်းကြော် |
 |
| ငါးဖယ်နဲ့ချက်တဲ့ မုန့်ဟင်းခါး |
 |
| ငါးဖယ်ချဉ်ကင်သုပ် |
 |
| ငါးဖယ်ငရုတ်ပွကြော် |
 |
| ငါးဖယ်ငါးပိချက် |
 |
| ငါးဖယ်လုံးငရုတ်သီးစိမ်းချက် |
 |
| ငါးဖယ်ကြက်သွန်ကြော်မွှေးမွှေးလေး |
 |
| ငါးဖယ်လုံးကော်ရည်ခေါက်ဆွဲ |
 |
| ငါးဖယ်သုပ် |
 |
| ကြာဆံချက် |
 |
| ငါးဖယ်လုံးခွေးတောက်ရွက်ကြော်ချက် |
 |
| ငါးဖယ်အစာသွပ် |
 |
| ငါးဖယ်လုံးမုန်ညင်းဟင်းချို |
 |
| ငါးဖယ်လုံးမရမ်းပြားချဉ်စပ်ချက် |
 |
| ငါးဖယ်ရွဲယိုရွက်အုပ်ချက် |
 |
| ငါးဖယ်ကြက်ဟင်းခါးသီးအဆာသွပ် |
မောင်နှမတို့ရေ့့့ 
ဒီနေ့တော့ ငါးဖယ်ငါးဆုပ်ကို အကြော်တစ်မျိုး၊ သုပ်လို့တစ်ဖုံ၊ ဆီပြန်ဟင်းအဖြစ် ချက်တာက တစ်မျိုး၊ ဟင်းရည်သောက်ချက်လို့ တစ်ဖန် ချက်ပြုတ်လို့ရတာလေးတွေကို ပုံလေးတွေနဲ့ပဲ တင်လိုက်တယ်နော်။
ချက်နည်းတွေကတော့ ရိုးရိုးလေးတွေပဲမို့ မောင်နှမတွေ ချက်တတ်ပြီးသား ဖြစ်မယ်လို့ ယုံပါတယ်။
ဘာရယ်မဟုတ် တစ်နေ့တစ်နေ့ ဘာဟင်းချက်ရမလဲဆိုတာ စဉ်းစားပြီး ခေါင်းကိုက်ရတာမို့ ငါးဖယ်နဲ့ ပတ်သက်ပြီး ချက်ထားတဲ့အထဲက တစ်ချို့ကို စုစည်းပြီး တင်ထားလိုက်တာပါ။
အားလုံးအဆင်ပြေကြပါစေနော်။
ငါးအိုးကပ်ထဲမှာ ကိုယ့်စိတ်ကြိုက်ဖြစ်စေမယ့် ပင်စိမ်း၊ ငရုတ်သီးစိမ်း၊ နံနံပင် စတာတွေကိုလည်း ထည့်နိုင်ပါတယ်နော်။
နောက်ပိုင်းမှာ မိုက်ကရိုဝေ့ဖ်နဲ့ ဘာလချောင်ကြော်တာတွေ၊ အမဲသားမွကြော်တွေ ကြော်တာလေးတွေပါ မျှဝေပေးပါဦးမယ်နော်။ မောင်နှမများလည်း အဆင်ပြေမယ်ဆိုရင် မိုက်ကရိုဝေ့ဖ်နဲ့ ငါးအိုးကပ်လေး ချက်စားကြည့်ကြပါဦးလားနော်။
အိမ်မှာ အမေ့ရှေ့ ပြောရင် အဆူခံရမှာ စိုးလို့ အားလုံးသိအောင် ဘလော့ဂ်ပေါ်ကနေ အမေ့အကြောင်း ပြောလိုက်တာ။
ချစ်သောမောင်နှမများအားလုံး မင်္ဂလာပါရှင်။ ဒီနေ့တော့ မောင်နှမတို့ကို ၀က်သား နာနတ်သီးချက်လေး မျှဝေပေးပါရ စေဦးရှင်။ ဒီဟင်းအမယ်လေးကတော့ မောင်လေး blogger လေးက မေးလို့လည်း ပြောပြခဲ့ဖူးသလို မမ Guiness ရဲ့
ဝါဆို အလှူအတွက်ပေးခဲ့တဲ့ မီနူးလေးထဲ တစ်ပွဲအပါအ၀င်ပါ။ မောင်နှမတွေလည်း တစ်ခါတလေ ချက်စားလို့ရနိုင်အောင်လို့ မျှဝေလိုက်ရပါတယ်ရှင်။
ဝက်သားနာနတ်သီးချက်အတွက် လိုအပ်တဲ့ပစ္စည်းတွေကတော့ ၀က်သား သုံးထပ်သား ကီလိုဝက်ကို နာနတ်သီး အလုံး သေး တစ်လုံး၊ ကြက်သွန်ဖြူ၊ ကြက်သွန်နီ၊ ချင်း၊ နာနတ်ပွင့် (Star Anise) အနည်းငယ်၊ ဆား၊ ပဲငံပြာရည်အပျစ်၊ သကြား၊ ဟင်းခတ်မှုန့်အနည်းငယ်နဲ့ ဆီတို့ပါနော်။
ဝက်သားကို သန့်စင်အောင်ဆေးကြောပြီးရင် အနေတော် အတုံးလေးတွေရအောင်တုံးပါ။ ပြီးရင် ၀က်သားကို ဆား၊ သကြားအနည်းငယ်၊ ဟင်းခတ်မှုန့်အနည်းငယ် တို့နဲ့ နှံ့အောင်နယ်ပေးပါနော်။ ကြက်သွန်ဖြူကို ဓားပြားရိုက်ထားပေးပါ။ ကြက်သွန်နီကို လေးစိတ်ထိုးပေးထားပါ။ ချင်းကို အချောင်းလေးတွေ ရအောင်လှီးပေးထားပါနော်။ နာနတ်ပွင့် မှာက ပွင့်ဖတ်လေး
ရှစ်ဖတ်လောက်ပါတတ်ပါတယ်။ ဟင်းအိုးထဲထည့်တဲ့အခါ ၀က်သား တစ်ကီလိုအတွက် နာနတ်ပွင့်ဖတ် ၃ ဖတ်လောက် ထည့်ရင် ရပါပြီနော်။ နာနတ်သီးကိုတော့ အခွံနွှာ၊ အူတိုင်ထုတ်၊ မျက်စိတွေ လှီးထုတ်၊ ရေဆေးပြီး အရွယ်တော် အတုံးလေးတွေ တုံးပေး ထားပါနော်။
အားလုံးအသင့်ဖြစ်တဲ့အခါ မီးဖိုပေါ် ဒယ်အိုးတင်၊ ဒယ်အိုးပူလာပြီဆိုရင် နယ်ထားတဲ့ ၀က်သားတွေကို လှော်ပေးပါ။ ၀က်သားတွေကို မီးပြင်းပြင်းနဲ့လှော်လိုက်ရင် (၀က်သိုးနံ့)လို နံတဲ့အနံ့တွေ ပျောက်သွားပါတယ်။ လှော်တဲ့အထဲကိုနာနတ်ပွင့် တွေ ထည့်လှော်လိုက်ပါ။ ၀က်သားတွေ ရေခြောက်သွားပြီး နာနတ်ပွင့်နံ့လေးလည်း သင်းလာပြီဆိုရင် ၀က်သားတွေကို ခဏ ဆယ်ယူလိုက်ပါ၊ ပြီးတော့ ဒယ်အိုးထဲကို ဆီထည့်၊ ဆီပူလာရင် ကြက်သွန်ဖြူနီချင်းတို့ကို ထည့်ပြီး ဆီသတ်ပါနော်။ ကြက်သွန် ဖြူနီကို တော်တော်နွမ်းသွားအောင်အထိ ဆီသတ်ပေးပြီး တော့ ၀က်သားတွေကို ထည့်ပြီး မွှေပေးပါ။ ပြီးတော့မှ ၀က်သားမြုပ်ရုံ ရေထည့် အဖုံးဖုံးပြီး မီးအသင့်အတင့်နဲ့ တည်ပေးပါ။ ရေခမ်းခါနီးကျရင်တော့ တစ်ခါထပ်မွှေ၊ ပြီးရင် ရေထပ်ထည့်၊ (၂) ရေ လောက်ခမ်းပြီဆိုရင် ပဲငံပြာရည်အပျစ်လေးထည့်ပြီး ရေခမ်းအောင်မွှေ၊ ပြီးတော့မှ နာနတ်သီးစိတ်လေးတွေ ထည့်ပြီး ၀က်သား တွေနဲ့ နှံ့အောင်မွှေ၊ နာနတ်သီးထဲက ထွက်လာ မယ့် ချိုချဉ်အရသာလေးတွေက ၀က်သားထဲ ၀င်အောင်၊ ၀က်သားထဲကအဆီ အနှစ်တွေ ကလည်း နာနတ်သီးထဲ ၀င်အောင်မီးမျှင်းမျှင်းနဲ့ ဆီပြန်တဲ့အထိ တည်ပေးပါနော်။ ဆီပြန်ပြီဆိုရင်တော့ အပေါ့အငံ အရသာမြည်း၊ လိုအပ်တဲ့အရသာထပ်ဖြည့်ပြီး ဟင်းအိုးချလို့ရပါပြီနော်။ အဲ့ဒါဆိုရင် အနံ့လည်းမွှေး အအီလည်းပြေအရသာ လည်း ရှိတဲ့ ၀က်သားသုံးထပ်သား နာနတ်သီး ချက်လေး ရပါပြီနော်။
မှတ်ချက်။ ဓာတ်ပုံက မမGuiness ရဲ့ အလှူမှာ တည်ခင်းထားတဲ့ ဟင်းပွဲပုံပါနော်။
ချစ်သောမောင်နှမများအားလုံး မင်္ဂလာပါလို့ မေတ္တာရပ်ဝန်းမီးဖိုဆောင်မှ ၀ိုင်းတော်သားများအားလုံးက နှုတ်ခွန်းဆက်ပါတယ်ရှင်။ ဒီနေ့တော့ ကျွန်မရဲ့ မောင်နှမတွေကို ဆတ်သားခြောက်ချက်နည်းလေး မျှဝေပေးပါစေရဦးနော်။
ဆတ်သားခြောက်က ကိုယ်တိုင်လုပ်ရင် လက်ဝင်လှတယ်လို့ ထင်ရပေမယ့် ကိုယ်တိုင်လုပ်ချင်ရင် လုပ်လို့ရအောင်လို့ လုပ်နည်းလေးလည်း မျှဝေပါရစေနော်။ အခုက ရာသီဥတုက ပူတယ်ဆိုတော့ ဆတ်သားခြောက်၊ အမဲ ခြောက်၊ ငါးခြောက်လုပ်မယ်ဆိုရင် အင်မတန်ကောင်းတဲ့ ရာသီပါနော်။ (အကောင်းဘက်က လှည့်တွေးပေးတာပါနော်)။
ကျွန်မ နေပြည်တော်သွားတော့ မမျှော်လင့်ဘဲ ဆတ်သားအစိမ်းတွေ လာရောင်းတဲ့ တောသည်နဲ့ တွေ့တော့ ဈေးသည်က ဆတ်သားခြောက် လုပ်ပါလားဆိုပြီး ကျွန်မကို အကြံပေးတာနဲ့ ၃ ပိသာလောက် ၀ယ်လိုက်ဖြစ်ပါတယ်။
ဆတ်သားတွေကို အခြောက်လှန်းမှာမို့ ကျွန်မ ရေနဲ့ လောင်းဆေးတာမျိုးမလုပ်ဘဲ ချည်သားအ၀တ်စကို ရေဆွတ်ပြီးတော့ သန့်ရှင်းရေးလုပ်ပါတယ်၊ ပြီးတော့ ဆတ်သားကို တစ်လက်မအထူ၊ လေးလက်မ အရှည်အရွယ်လေးတွေ ရအောင် လှီးယူပါတယ်။ ပြီးတော့ သံပရာရည်၊ ဆားအနည်းငယ်တို့နဲ့ ရောပြီး ဆတ်သားတွေနဲ့ နယ်ပါတယ်။
ပြီးရင် ဇကာကိုယူ၊ အောက်မှာ တစ်ရှူးစတွေ ခင်း၊ အပေါ်ကနေ အသားတွေကို စီစီရီရီ လေးတင်ပြီး နေလှန်းပေးပါနော်။ မနက်ကိုးနာရီလောက်ကနေ စပြီး လှန်းတယ်ဆိုရင် နေ့လည် ၂ နာရီလောက်မှာ အသားတွေကို တစ်ဘက်လှန်ပေးပါနော်။ ညနေ ၆ နာရီလောက် ထိ နေပူတာမို့ တစ်နေကုန်သွားရင် အသားတွေ တော်တော်လေး ခြောက်နေပါပြီ။ တကယ်လို့သာ တစ်နေ့ကုန်နေနဲ့ ခြောက်ထားတဲ့ ဆတ်သားကို မီးလေးဖုတ်ပြီး ဆီဆမ်းစား မယ်ဆိုရင် မွမွရွရွလေးနဲ့ တော်တော်လေး စားကောင်းမယ့် အနေအထားပါနော်။ ဒါပေမယ့် ကြာရှည်ထားဖို့ ဆိုရင်တော့ နောက်တစ်ရက်မှာ တစ်နေ့ကုန် နေထပ်လှန်း ပေးရပါမယ်နော်။ ကိုယ်တိုင်လုပ်တဲ့အတွက် ယမ်းစိမ်းလည်း မထည့်တာမို့ ဆတ်သားလေးတွေက အပြင်က ရောင်းသလို နီရဲရဲလေး မဖြစ်နေဘဲ ညိုမည်းမည်းလေးဖြစ်နေတာပေါ့နော်။
ဆတ်သားခြောက်၊ အမဲခြောက်၊ ဆိတ်သားခြောက်၊ ငါးခြောက် စတာတွေကို မှိုမတက်အောင် ဘယ်လိုသိမ်းရမလဲဆိုတာကိုလည်း မောင်နှမများကို မျှဝေပေးပါရစေဦးနော်။ ကိုယ်တိုင်လုပ်ထားတာပဲဖြစ်ဖြစ်၊ ဈေးကနေ၀ယ်တာပဲ ဖြစ်ဖြစ် ခြောက်နေအောင် နေလှန်းပြီး ရင် သူတို့ကို အေးသွားအောင်အရင် အအေးခံလိုက်ပါနော်။ ပြီးတော့ အဲ့ဒီအခြောက်တွေကို သတင်းစာစက္ကူနဲ့ သေချာလိပ်ပြီး ထုပ်ပေးပါ။ ပြီးတော့မှ ဖန်ပုလင်း၊ ပလစ်စတစ်ဗူး စတာတွေ ထဲမှာ လေလုံအောင် သေချာပိတ်ပြီး သိမ်းထားပေးရင် မှိုတက်မှာ၊ အစိုပြန်မှာ မစိုးရိမ်ရ တော့ဘဲ အနံ့အရသာမပျက် ရေရှည်ထားပြီး စားသုံးနိုင်ပါတယ်နော်။ တစ်ချို့က မုန့်ပုံး (သံပုံး) တွေထဲ ထည့်သိမ်းတတ်ပါတယ်၊ မထည့်ဖို့ ကျွန်မ အကြံပြုပါရစေနော်။
လိုအပ်တဲ့ပစ္စည်းတွေကတော့ ဆတ်သားခြောက်၊ ကြက်သွန်ဖြူ၊ ကြက်သွန်ဖြူ၊ ငရုတ်သီးခြောက် အပုပွတောင့်၊ ခရမ်းချဉ်သီး၊ ငရုတ်သီးစိမ်း၊ နံနံပင်၊ နနွင်းမှုန့်၊ ဆား၊ ငံပြာရည်အနည်းငယ်၊ ဟင်းခတ်မှုန့်အနည်းငယ်နဲ့ ဆီတို့ပါနော်။
ကျွန်မချက်မယ့် ဆတ်သားက ကိုယ်တိုင်လုပ်ထားတဲ့ ဆတ်သားခြောက်မို့ ချက်ခါနီး ကျွန်မ ရေနွေးကြက်သီးနွေးလေးနဲ့ ၁၅ မိနစ်လောက် စိမ်ထားလိုက်ပါတယ်နော်။ အပြင်ကနေ ၀ယ်တဲ့အသားခြောက်မျိုးဆိုရင်တော့ အချိန်နည်းနည်းပိုပြီး စိမ်ပေးလိုက်ပါနော်။ ပြီးရင်တော့ ဆတ်သားတွေကို အရွယ်တော် အတုံးလေးတွေ တုံးပြီး ဆားလေးနဲ့ နယ်ပေးထားပါနော်။
ကြက်သွန်ဖြူနီတို့ကို အခွံနွှာရေဆေးပေးထားပါ။ ငရုတ်သီးခြောက် အပုပွတောင့်ကို ရေနွေးနဲ့စိမ်ပြီး ညက်အောင်ထောင်း၊ ငရုတ်သီးညက်ပြီဆိုရင် ကြက်သွန်ဖြူနီတို့ကို ထည့်ထောင်းပေးပါနော်။ ခရမ်းချဉ်သီးကိုလည်း ပါးပါးလှီးပေးထားပါ။ ငရုတ်သီးစိမ်းကို အညှာခြွေရေဆေးပေးပြီး ထက်ခြမ်းခြမ်းပေးထားပါ။ နံနံပင်ကိုလည်း အမြစ်တွေဖယ်၊ သန့်ရှင်းရေးလုပ်၊ ရေဆေးပြီး ရေစစ်ပေးထားပါနော်။
အားလုံးအသင့်ဖြစ်ပြီဆိုရင် မီးဖိုပေါ် ဒယ်အိုးတင်၊ ဆီထည့်၊ ဆီပူလာရင် နနွင်းမှုန့်လေးခပ်၊ ပြီးရင် ထောင်းထားတဲ့ ငရုတ်သီးကြက်သွန်တို့ကိုထည့်ပြီး ဆီသတ်ပေးပါ၊ ဆီသတ်နံ့မွှေးလာပြီဆိုရင် ဆတ်သားခြောက်တွေထည့်ပြီး ဆီသတ်၊ ငံပြာရည်လေးနည်းနည်း ထည့်ပြီး မွှေပေးပါနော်။ ပြီးရင် ခရမ်းချဉ်သီးတွေထည့်ပြီး အားလုံးသမအောင်မွှေ၊ ခရမ်းချဉ်သီး တွေ ကြေသွားတဲ့အထိ မီးအသင့်အတင့်နဲ့ တည်ပေးပါနော်။ ခရမ်းချဉ်သီးတွေကြေပြီး ဆီပြန်လာပြီဆိုရင် အပေါ့အငန် အရသာကိုမြည်းပြီး ဟင်းခတ်မှုန့်လေးနဲ့ လိုအပ်တဲ့အရသာ ထပ်ဖြည့်ပေးပါနော်။ ဆတ်သားမနူးလောက်သေးဘူးလို့ ယူဆရင် လက်ဖက်ရည်ပန်းကန်လုံး တစ်လုံးစာလောက် ရေထပ်ထည့်ပြီး ဆီပြန်အောင် တည်ပေးပါနော်။ ဆတ်သား လည်းနူး၊ ဆီလည်းပြန်ပြီဆိုရင်တော့ ငရုတ်သီးစိမ်းတောင့်လေးတွေကိုထည့်၊ နံနံပင်လေး အုပ်လိုက်ပါ နော်။ အဲ့ဒါဆိုရင်တော့ အနံ့အရသာမွှေးကြိုင်လှတဲ့ ဆတ်သားခြောက်ချက်လေး ရပါပြီနော်။ နယ်စားလို့လည်း ကောင်းလှပြီး ပင်စိမ်းရွက်လေး၊ သခွားသီးလေး၊ မုန်လာဥနီတို့နဲ့ တို့စားလို့လည်း အဆင်ပြေပါတယ်နော်။ လိုက်ဖက်တဲ့ ဟင်းအတွဲကတော့ သရက်သီးသုပ်၊ မုန်လာဥပိုးတီသုပ်၊ ပဲနီလေးကြာဆံဟင်းရည်သောက်တို့ပါနော်။
ကျွန်တော့မှာ ဒါတွေရှိတယ်။ ဘာချက်သင့်လဲ အကြံပေးပါဦး။
၁။ ဝက်သား၊ ကြက်သား၊ Lamb သား
၃။ ငံပြာရည်
၎။ ပဲငံပြာရည် အကြည် အနောက် ၂ မျိုးလုံး
၅။ ဆား၊ သကြား၊ အချိုမှုန့် ကြက်သားမှုန့်
၆။ ကြက်သွန် ဖြူနီ ဂျင်း
၇။ သစ်ဂျပိုး၊ နာနတ်ပွင့်၊ ပျင်းတော်သိန်၊ ကရဝေးရွက်
၈။ အာလူး
၉။ တုံယမ်း အနှစ် တခြား ဟာတွေ ကတော့ အသားငါး အရွက် သွားပြေးဝယ်လို့ရတယ်။ဟင်းခတ်အမွှေးအကြိုင် ကတော့ အဲ့ဒါတွေလောက်ပဲ သိတယ်ဗျ။ မနက်ဖြန်ဟင်းချက်ချင်လို့လေ။ အဲ့ဒါ အကြံပေးပါဦး။
အမ ကတိလည်း မတည်ဘူး။ အင်္ဂလိပ်နာမည်နဲ့ ဟင်းခတ်အမွှေးအကြိုင်တင်ပေးမယ်
ဆိုပြီး တင်လဲ မတင်ပေးသေးဘူး။
ဟိုနေ့က အမပြောတဲ့အတိုင်း နာနတ်သီးနဲ့ ဝက်သားနဲ့ ကောင်းမှကောင်းပဲ။ အရမ်းကျေးဇူး တင်တယ်နော်။
တာ့တာ။
ရဲလင်းကို (ဘလော့ဂါလေး)
ဘာလချောင်ဒယ်အိုးလူး
ဆီးသီးလက်ပံပွင့်ဟင်းရည်
ဘာလချောင်ကြော်
ကြက်သားအာလူးဟင်းကျွန်မ မြန်မာပြည်က ပါလာတဲ့ ဘာလချောင်ကြော်ဗူးက တက်တက်ပြောင်သွားပြီမို့ မနေ့က (တနင်္ဂနွေနေ့)မနက် အိမ်ရှင်အမေနဲ့ အတူ ဈေးသွားပြီး ဘာလချောင်ကြော်ဖို့ လိုအပ်တဲ့ပစ္စည်းတွေ ၀ယ်ပါတယ်။ ပြီးတော့ တစ်လက်စတည်းပဲ မြန်မာအစားအစာတွေချည်းဖြစ်သွားရအောင်လို့ အာလူးနဲ့ ကြက်သားဟင်း ချက်ပေးမယ်၊ ဟင်းရည်သောက်လေး ချက်ပေးမယ်လို့ စိတ်ကူးလိုက်တယ်လေ။ အဲ့ဒီ Set လိုက်ကိုပဲ ကျွန်မရဲ့ မောင်နှမများကို မျှဝေပေးပါရစေဦးနော်။
ဒီတစ်ခေါက်ချက်တဲ့ ကြက်သားအာလူးဟင်းက ပုံစံတစ်မျိုးနဲ့ ချက်ထားတာပါနော်။ ကျွန်မကတော့လေ အစားအသောက် ဘယ်လောက်ခုံမင်တယ်မသိဘူး၊ အိပ်မက်ထဲတောင် ဟင်းချက်တာ၊ အခု အိပ်မက်ထဲက ချက်တဲ့အတိုင်း ချက်မယ့် အာလူးကြက်သားဟင်းနော်။ မရီကြနဲ့။ ကြက်သားအာလူးဟင်းချက်ဖို့ လိုအပ်တဲ့ ပစ္စည်းတွေကတော့ ကြက်သား၊ အာလူး၊ ကြက်သွန်နီ၊ ကြက်သွန်ဖြူ၊ ချင်း၊ ငရုတ်သီးစိမ်း၊ ပင်စိမ်း၊ ဆား၊ ဟင်းခတ်မှုန့်၊ သကြား၊ နနွင်းမှုန့်နဲ့ ဆီတို့ပါနော်။
ကြက်သားကို သန့်စင်အောင် ဆေးကြောပြီးတော့ ဆား၊ သကြား၊ ဟင်းခတ်မှုန့် အနည်းငယ်တို့နဲ့ နယ်ပါတယ်။ ပြီးတော့ ချင်းအ၀ိုင်းလိုက်လေးတွေ လှီးထည့်ပြီး ကြက်သားကို ဒယ်အိုးထဲထည့်ပြီး အသားထဲက ထွက်တဲ့ရေနဲ့ ခမ်းအောင် အရင်တည်ပါတယ်။ အသားထဲက ထွက်တဲ့ရေ ကုန်တဲ့အခါမှာတော့ လက်ဖက်ရည် ပန်းကန်လုံး တစ်လုံးစာလောက် ရေထပ်ထည့်ပြီး အဖုံးအုပ်ပြီး ထပ်တည်ပါတယ်။ အဲ့ဒီတစ်ရေခမ်းတဲ့အခါမှာတော့ ကြက်သားတွေကို အအေးခံပြီး အေးတဲ့အခါ အရိုးနွင်ပေးထားပါတယ်။
အာလူးတွေကို အခွံနွှာပြီး အတုံးကို သေးနိုင်သမျှ သေးအောင် တုံးပါတယ်၊ ပြီးတော့မှ ဆားနဲ့ နယ်ဆေးပါတယ်။ ကြက်သွန် ဖြူ၊ နီ၊ ချင်းတို့ကို အခွံနွှာရေဆေးပြီး မညက်တညက်လေး ထောင်းပါတယ်။ ငရုတ်သီးစိမ်းကို အညှာခြွေရေဆေးပြီး ထက်ခြမ်းခွဲထားပါတယ်။ ပင်စိမ်းရွက်ကို သန့်စင်အောင်ဆေးပေးထားပါတယ်။
အားလုံးအသင့်ဖြစ်တဲ့အခါ ဒယ်အိုးထဲ ဆီအနည်းငယ်ထည့်၊ ဆီပူလာရင် နနွင်းမှုန့်လေး အနည်းငယ် ခပ်ပြီး ထောင်းထားတဲ့ ကြက်သွန်ဖြူနီချင်းတို့ ကို ဆီသတ်ပါတယ်။ ကြက်သွန်ဖြူနီ နွမ်းပြီဆိုရင် အာလူးတွေကို ထည့်ပြီး ဆီသတ်၊ ပြီးရင် ကြက်သားတွေရော ထည့်ပြီး အားလုံး သမအောင်မွှေ၊ ရေအနည်းထည့်၊ အဖုံးအုပ်ပြီး တည်ပေးပါနော်။ အာလူးနူးပြီး အနှစ်ဖတ်လေးတွေ ရလာတဲ့အထိ လိုအပ်သလို ရေထည့်လိုက်၊ တည်လိုက် လုပ်ပေးပါနော်။ အာလူးတွေ အားလုံး ကြေပြီး အနှစ်လေးတွေလို ဖြစ်ပြီဆိုရင်တော့ အရသာ အပေါ့အငံကို မြည်းပြီး လိုတာထပ်ဖြည့် ငရုတ်သီးစိမ်းလေးနဲ့ ပင်စိမ်းလေး အုပ်ပြီး ဟင်းအိုးချလိုက်ရုံပါပဲနော်။ အဲ့ဒါဆိုရင်တော့ ပင်စိမ်းနံ့မွှေးမွှေး၊ ငရုတ်သီးကြောင့် စပ်ရှိန်းရှိန်း၊ အာလူးအနှစ် များများနဲ့ ကြက်သားအာလူးဟင်းလေး ရပါပြီနော်။
ဘာလချောင်ကြော်လို့လည်းခေါ်တဲ့ ငပိကြော်အတွက် လိုအပ်တဲ့ပစ္စည်းတွေကတော့ ငါးနီတူ၊ ပုစွန်ခြောက်၊ ကြက်သွန်ဖြူ၊ နီ၊ အနီရောင်ငရုတ်သီး (အခြောက်ဖြစ်စေ၊ အစိုဖြစ်စေ)၊ ငံပြာရည်၊ မန်ကျည်းသီးနှစ်၊ သကြား၊ ဆား၊ နနွင်းမှုန့်နဲ့ ဆီ တို့ပါနော်။ ဒီမှာလည်း http://lulucooking.blogspot.com/2007/08/blog-post_8843.html တစ်ခါ ရေးဖူးပါတယ်နော်။ ဒါပေမယ့် အခုတစ်ခေါက် အစားခံရအောင် ငါးနီတူလေးပါ ထည့်လိုက်ကြရအောင်နော်။
ငါးနီတူနဲ့ ပုဇွန်ခြောက်လေးကို မထောင်းခင်မှာ ရေနဲ့ သန့်စင်အောင် ဆေးကြောပြီး စကာနဲ့ စစ်ပြီး နေပူထဲ ခဏထား လိုက်ပါတယ်နော်။ အဲ့ဒီအချိန်မှာ ကြက်သွန်အဖြူအနီတို့ကို အခွံနွှာထားနော်။ ဒီမှာကတော့ ငရုတ်သီးအခြောက်တောင့် ၀ယ်လို့မရတာနဲ့ ငရုတ်သီးအနီအပွတောင့်တွေကို ၀ယ်ပါတယ်နော်။ အဲ့ဒါကို အညှာခြွေ၊ ရေဆေး ပြီးတော့မှ ကပ်ကြေး လေးနဲ့ တစ်လက်မအရွယ်လောက်လေးတွေ ဖြတ်ပြီး လေသလပ်ခံ ထားပါတယ်။ ပြီးရင် မန်ကျည်းသီးမှည့်ကို ရေနွေး ပူပူလေးနဲ့ စိမ်ထားလိုက်ပါနော်။
ပြီးရင် ကြက်သွန်ဖြူနီကို chopper နဲ့ ကြိတ်လိုက်ပါတယ်။ ပြီးတော့ ငရုတ်သီးကိုလည်း ကြိတ်ပါတယ်။ နောက်ဆုံး ပုစွန်ခြောက်ကို ကြိတ်ပါတယ်။ အားလုံး အသင့်ဖြစ်ပြီဆိုရင်တော့ မီးဖိုပေါ် ဒယ်အိုးတင်၊ ဆီကို ၅ ကျပ်သားလောက်ထည့်ပြီး ငါးနီတူတွေကို အရင်ကြော်ပါတယ်။ ကြော်တဲ့အခါမှာ အရမ်းကြွပ်ရွသွားအောင် ကြော်တာမျိုးမဟုတ်ဘဲ မကြွပ်တကြွပ် အချိန်မှာ ဆီအိုးထဲကနေ ဆယ်ယူပြီး ဇကာထဲ ထည့်ထားပါတယ်။ ပြီးရင် ကြိတ်ထားတဲ့ ကြက်သွန်ဖြူနီတွေကို ကြော်ပေးပါ။ စစချင်းမှာ မီးအားအများဆုံးနဲ့ ကြော်ပေးပြီး နောက်ပိုင်းကျ ကြက်သွန်တွေထဲက အရည်စစ်သွားလို့ မွှေလို့ သွက်လာတဲ့အခါ မီးအားလျော့ပြီး မီးနွေးနွေးလေးနဲ့ ရွှေညိုရောင်လေးဖြစ်လာအောင်ထိ ကြော်ပေးပါနော်။ ရွှေအိုရောင် ပြောင်းလို့ အနံ့လေးကလည်း သင်းလာပြီဆိုရင်တော့ ဆီစစ်စကာပါတဲ့ ယောက်မလေးနဲ့ ဆယ်ယူပြီး စကာထဲထည့်ပြီး ဆီစစ်ထားပေးပါနော်။ ပြီးရင် ကြိတ်ထားတဲ့ ငရုတ်သီးတွေကို ထည့်ပြီးကြော်ပေးပါ။ ငရုတ်သီးက အစိုမို့လို့ အချိန်ယူပြီး နည်းနည်းခြောက်အောင် ကြော်ရပါတယ်။ ငရုတ်သီးထည့်ပြီး ဆား၊ သကြား၊ ဟင်းခတ်မှုန့်၊ ငံပြာရည်တို့ကိုပါ ထည့်ပြီး ကြော်ပေးပြီး နောက်ပိုင်းမှာ ကြိတ်ထားတဲ့ ပုစွန်ခြောက်ကို ဆက်တိုက်ထည့်ပေးပါနော်။ မီးအသင့်အတင့်လောက်နဲ့ထားပြီး ကြော်ပေးရင်းနဲ့ ပုစွန်ခြောက်လေးရော ငရုတ်သီးလေးရော အညိုရောင်ဘက်လုလာပြီဆိုရင် မီးကို တတ်နိုင်သလောက် လျှော့ပြီး မန်ကျည်းသီးအနှစ်တွေကို ထည့်လိုက်ပြီး မွှေပေးပါ။ မီးအေးအေးနဲ့ ခုနက ငံပြာရည်ရယ်၊ မန်ကျည်းနှစ်ရယ်ကို ခမ်းအောင် ထားပါ။ အိုးမကပ်အောင်လဲ သတိထားပြီး မွှေပေးနော်။ ပြီးရင် ငါးနီတူခြောက်ကြော်နဲ့ ကြက်သွန်ဖြူနီကြော် တွေ ရောထည့်ပေးပါ။ တဖြည်းဖြည်းနဲ့ အရည်တွေခမ်းလာတဲ့အခါမှာ အနီရောင် ဆီလေးတွေက အပေါ်ကို ဝေ့တက်လာ ပါလာလိမ့်မယ်နော်။ အပေါ့အငံကို မြည်းနော်။ အရသာကို ဘယ်ဟာကိုမှ မကဲစေနဲ့။ မြည်းလိုက်တဲ့အခါမှ မန်ကျည်းသီးမှည့် အချဉ်လေးလျှာထဲ စိမ့်သွားသလို ငရုတ်သီးရဲ့အစပ်ကလဲ သွားရည်ယိုစေပါတယ်၊ ရေခမ်း လောက်ပြီဆိုရင် မီးဖိုပေါ်ကနေ ချပြီး အအေးခံထားလိုက်နော်။ အေးသွားပြီဆိုရင် ခုနက ဖယ်ထားတဲ့ ကြက်သွန်ဖြူနီကြော်တစ်ဝက်ထည့်ပြီးတော့ ရောမွှေလိုက်ပါနော်။ အဲ့ဒါဆိုရင်တော့ အနံ့အရသာနဲ့ ပြည့်စုံလှတဲ့ ဘာလချောင်ကြော်ရပါပြီနော်။
အရည်သောက်အတွက် အစ်ကို့အိမ်က ထွက်တဲ့ ဆီးသီးခြောက်နဲ့ အညာက မိတ်ဆွေတစ်ယောက် ပေးလိုက်တဲ့ လက်ပံပွင့်ခြောက်လေး ချက်ပါမယ်နော်။ လိုအပ်တဲ့ပစ္စည်းတွေကတော့ ဆီးသီးခြောက် လက်တစ်ဆုပ်၊ လက်ပံပွင့်ခြောက် (၁၀) ပွင့်၊ ကြက်သွန်ဖြူ၊ ငပိစိမ်းစား လက်တစ်ဆစ်၊ ပုစွန်ခြောက် အနည်းငယ်၊ ဆား၊ ငံပြာရည်အနည်းငယ်၊ ဟင်းခတ်မှုန့် အနည်းငယ်တို့ပါနော်။
ဆီးသီးခြောက်နဲ့ လက်ပံပွင့်ခြောက်တို့ကို ရေစိမ်ပေးထားပါ။ ပြီးရင် အိုးတစ်လုံးထဲမှာ ပုစွန်ခြောက်၊ ငပိ စိမ်းစား၊ ဆား၊ ငံပြာရည်အနည်းငယ်၊ ဟင်းခတ်မှုန့်တို့ကို ထည့်ပြီး မီးဖိုပေါ် တည်ပေးပါ။ ပွက်ပွက်ဆူလာပြီ ဆိုရင်တော့ ကြက်သွန်ဖြူလေး ဓားပြားရိုက်ပြီးထည့်ပေးပြီး ဆက်တည်ပေးပါနော်။ ပြီးရင် ရေစိမ်ထားလို့ ဆီးသီး ခြောက်လေးတွေကို အသာလေးလက်နဲ့ အသားဖတ်လေးတွေ ဖဲ့ပေးပါနော်။ ပြီးတော့မှ ဆီးသီးခြောက်နဲ့ လက်ပံပွင့်ခြောက်တို့ ထည့်ပြီး တည်ပေးပါနော်။ တည်ပေး ရင်းနဲ့ ဆီးသီးထဲကနေ ချိုချဉ်အရသာလေး ထွက်လာ သလို လက်ပံပွင့်လေးကနေလည်း ခပ်ချွဲချွဲလေး ဖြစ်လာပါမယ်နော်။ ပြီးရင်တော့ အရသာ အပေါ့အငန်မြည်းပြီးတော့ စိတ်ကြိုက်ဖြစ်ပြီဆိုရင်တော့ ဟင်းအိုးချလို့ရပါပြီနော်။ ချိုချဉ်အရသာ လေးနဲ့ ခံတွင်းရှင်းစေတဲ့ ဆီးသီး လက်ပံပွင့်ဟင်းရည်သောက်လေး ရပါပြီနော်။
နောက်ဆုံးမှာတော့ ဘာလချောင်ကြော်တွေကို ပုလင်းသန့်သန့်ထဲ ထည့်သိမ်းပြီး ဒယ်အိုးထဲမှာ ကျန်တဲ့ အဆီအနှစ်တွေကို ထမင်းလေးနဲ့ လူးနယ်လိုက်ပါတယ်နော်။ အဲ့ဒါဆိုရင်တော့ ဘာလချောင်ထမင်းနယ် လေး ရပါပြီနော်။
ချစ်သောမောင်နှမများအားလုံးလည်း အဆင်ပြေရင် ချက်စားကြည့်ကြပါဦးနော်။
Previous Entries
Categories
Tag Cloud
Blog RSS
Comments RSS
Last 50 Posts
Back
Void 
Life 
Earth 
Wind 
Water 
Fire